Wiltuin

[Viking]

Ons het Sondag net vir 'n koffie na Berg en Dal kamp gegaan en was gelukkig om op hierdie luiperd en renosters af te kom. Die foto kwaliteit is nie so goed nie maar om 'n luiperd so na aan die pad te kry was uniek. Hierdie groep renosters was 'n groep van so agt wat ek ook nog nie voorheen raakgeloop het nie.

[Gogga]

Presies waar was die diere, Viking?
Is dit op die grondpad (Matjulu-loop)?
Ek gaan in September die Wolhuter-staproete naby Berg en Dal in die Kruger stap - sal darem lekker wees as ons die renosters sien...

[Viking]

Nee , Diesel dit was op die teerpad so 4km uit Berg en Dal uit. Dit was so 17h15 die middag. Die renosters het reg voor ons oor die pad geloop, daai luiperd het dood luiters op die tak bly le min gepla met die woelinge om hom. Ons kry gereeld renosters by Berg en Dal so ek dink jy kan jou maar regmaak om 'n paar te sien ek weet net nie van so 'n groot groep nie. Daar naby by afsaal het 'n luiperd ook sy intrek gemaak. Ons het hom self eenkeer daar gekry. Daar was al berigte dat hy die ouens se vleis van die rooster gesteel het. Ek sal die berigte gaan soek dit was in ons plaaslike koerant. Maar dit is 'n goeoie area jy sal dit geniet.

[Gogga]

Viking, dis nou 'n ding met die luiperd by Afsaal. Wat doen jy as jy daar sit en koffie drink en hier loer hy vir jou uit die bos, jy mag nie hol nie? Seker maar skree en lawaai, soos die gidse?

[Natuurkind]

Viking, dis baie nice. Daardie luiperds van Kruger kom le gereeld besoek af in Marloth. Daar was verlede maand een by my buurvrou se agterdeur. Ongelukkig was ons nie daar om dit te sien nie, maar sy het my vertel en is nie iemand wat sommer stories uit haar duim suig nie!

Ek glo as ons lank genoeg daar kan bly, sal ons ook seker so bevoorreg wees.

[Rooibok]

Daar is mense wat al 10 jaar in Marloth bly wat nog nie eers die leeus gesien het nie.  .
Ons het een aand daar by die vuur gesit toe loop daar n Hyena so 10 meter by ons verby. Wat nice was is dat ons hom hoor aankom het. Hy het eers vêr af geskree en toe al hoe nader tot hy verbygeloop het.   

[Viking]

Hierdie foto het ek op 'n website gekry. Dit is die luiperd by afsaal hy le hier op die damwal reg langs afsaal.

[JZ]

Kan mens altyd renosters se ribbes sien of is daai so bietjie maer?

[Harley]

Miskien is hulle op dieet?

[lox]

ek het lank lank gelede seker 1990 se koers op hnagklip gaan duik die een saterdag. laagwater was laat en ons het na sononder (skemer) huistoe gery. daardie tyd het bettiesbaai nog die luiperd gehad, voor iemand hom dood geskiet het.
luiperd stap toe voor ons oor die pad en gaan le in die bossies langs die pad. ons stop toe langsaan en hy/sy het seker so 5 minute daar geloer na ons en toe weggesluip dieper die bos in.

ek sien dit nou nog as groot voorrreg om dit te kon sien