Ek en die seuns het vandag ons eerste Geocache gaan soek. Die Cache se naam is
Glentana Cave en 'n grot het geklink soos net die ding vir ons!
Gestop by die parkeer terrein by Glentana Strand, GPS aan gesit en begin stap.
Die Geocache is anderkant daai koppe - ons moes wag vir laagwater voor ons kon gaan. Heel week die getye dop gehou en so 2 ure voor lae gety begin stap. Mens weet mos nooit hoe ver dit is / hoe lank ek tot daar en terug gaan waggel nie...
Daar was bietjie mis, maar dit was warm en humied. Ek het maar gesuffer in die hitte en met die stap op die sand, veral na gister aand se dak nat maak.
Die Paddaman sien iets raak:
'n Jellyvis!
Met hoog gety is die water tussen die rotse - dis hoekom ons moes "time" vir lae gety.
Pap nat gesweet en moeg kom ons uiteindelik uit by wat lyk soos die grot wat ons soek:
Op geklouter tot daar - nogal 'n tamaai grot!
Die soektog begin...
Sien julle hom?
Ons eerste "find"!
Daar is nogal 'n Travelbug ook in!
Ons het niks in gesit nie en niks gevat nie, net die logboook geteken. Ek sal later dinge begin ruil en skuif as ek meer gemaklik is met al die reëls en etiket van Geocaching.
Die view uit die grot uit:
Lekker uitstappie.
Strand scenery:
Ons het seker gelyk soos Walies soos ons ons verkyk het aan alles. Ons was (behalwe vir nou die dag gou) 4 jaar laas op die strand.
Hiervan gaan ons kom haal:
Die pad terug:
Ons het op die nat sand gestap op pad terug. Met al die sweet het ek al die kwaad van gisteraand uit gesweet en die stap terug was actually baie lekker. Ek kan sien dat ek met die Geocaching baie meer gaan stap. Dit kan net gesond wees.
Die water was helder en skoon, ook glad nie koud nie.
Myle se strand om op te stap:
En 10 minute voor lae gety was ons terug by die kar en klaar.
Dis was nou lekker. Die Geocaching ding kan werk.
Lekker vermaak vir die hele familie. Ek sien nie die nut om langs die pad êrens te stop om 'n geocache te soek by 'n tafeltjie en stoeltjies sommer net vir sommer nie, maar hierdie interessante caches op mooi plekke kan werk. Ek sou nie andersins ooit die plek gesien het of vandag se oefening gekry het nie. Ek sal sulke caches uit soek.
Daar is nog een naby die een - verby die wrak. Ons sal hom ook gaan soek as Vuurvlieggie kan saam gaan.
Watch this space
