Dis Saterdag middag en ek besluit op die ingewing van die oomblik dis tyd vir ’n roadtrip.
Ek ry na werk in ’n noordoostelike rigting vir so 3 ure.
Siende dat dit ’n surprise trip is, lig ek ook niemand in van die plan nie.
Om die waarheid te sê, dis my beste vriend se verjaarsdag, en hy moet werk, so ek dink hy sal dit baie waardeer.
Omtrent met sononder stop ek by die klub in Elliot. Groot smiles all round.
Daardie aand voel dit nogal snaaks om die enigste een te wees wat onthou dis Glen se verjaarsdag. Glen het gevra dat ek niks sê nie, want hy wou sien hoe lank dit die regulars vat om agter te kom. Die ouens wat gereeld daar uithang kry toe ook om 12 uur ’n straf dop.
Die bar word eers laat toegemaak, maar die volgende dag se trip word al klaar beplan.
Die volgende oggend maak ons gou ’n brêkkie, en val toe in die pad.
Ons stop eers om ’n cache te soek. By Askeaton draai ons af op die grondpad.
Wie’t nou weer gisteraand gestry oor die eiland in die dam?
Dis baie trappies af ondertoe, nog net so 23m.
Ons het die hoeveelheid trappies getel, maar ek kan om die dood toe nie nou onthou hoeveel dit was nie.
Ek kuier nog so vir ’n paar uur saam met Glen in Elliot. Maar ek moet weer in die pad val want ek werk Maandag.
