So beplan ons 'n vinnige trippie Clanwilliam toe
Een ou stel voor ons ry deur Aurora, want hy was al een keer in daai rigting en dit was mooi sover hy kan onthou
'n Ander stel voor, kom ons ry soveel moontlik grondpad
So gemaak, so gedaan
Mapsource en plot 'n roete
Begin die dag 06:00, lieflike somers oggend, nie koud nie, nie warm nie, net lekker
Bymekaarkom - alles reg
Franschhoekpas - yskoud - soos in vriesend yskoud
Die omie was duidelik nie by sy mense se "party" by Bloemfontein nie - maar ons het die cache daar gevind - hy staan net daar, vuis in die lug, help nie eers soek nie
Eerste afdraai op grondpad - Babylonstoren pad, net voor "Malmensbury" - sinkplaat, sand en klippe in een
So erg geskud dat die Buel wat saam was, se knormoer opgepak het
Na 'n helse gestoot en gesukkel, 'n tou gekoop en elke keer die Buel aan die brand getrek
Op Darling maar eers die innerlikke gaan vul en hier gestop om die Geestelike sy te dek
Die fietse moet ook eers gevoed word
Ondergeskikte pad - die eerste keer in my lewe dat ek met so pad te doen gekry het - hulle kon baie letters op die bord gespaar het - K@K Pad sou meer as beskrywend gewees het
Die trein het darem 'n lekker reguit en gladde pad gehad
Vorentoe
Baie warm en op-geskud, eers iets kouds kry vir die kele
Darem weer 'n plek om die Geestelike sy op sy plek te hou
Langs die pad met 'n windpomp in sig
Met die temperatuur so in die omgewing van 40 + grade, 25 km voor Clanwilliam, toe gebeur daar wat 'n ou nie voor vra nie
Hier sou een van die Geestelike plekke nogal handig te pas gekom het, die tale wat darem gespreek kan word. die Midas pompie wat so groot soos 'n koeldrankblikke is, is niks meer werd as die leë blikkie self nie, met die enigste verskil dat die leë blikkie darem lug in het
Later darem veilig in Clanwilliam aangekom, 'n paar koues afgesluk en kampplek toe
Lekker gebraai en die nodige verbale interaksie het plaasgevind - ons was te laat vir die Apteek (Tops by Spar) maar darem 'n bottel gesmokkel gekry by die plaaslike bevolking. met twee sulke oulike Scottish Terriers op - een wit en een swart
Die aand was aan die broei, en dit was warm, vrek warm - so tussen die geen slaap maar so paar nagfotos geneem
Die plekkie was maar stil en rustig - geen beweging gesien nie
Dag twee - vervolg . . . . . . . . .
